位於工廈之內 位置頗近地鐵 唔算難搵
基本上一晚只做到一輪3-4圍客
出品幾好 價錢唔貴又食到一d出面少人做嘅菜色
值得支持
因為坐位少嘅關係 最好提早兩星期訂位
好似我咁 第一次就訂位失敗
訂位之後老闆娘會whatsapp菜單比你
選好菜之後回覆佢 佢就會報價
好多菜色都要預訂 想加減菜單人數就要提早通知店家了
杏汁豬肺湯 (嘅湯渣...唔記得影個湯 :P)
湯太淡 質素明顯地不及陸羽
想去嘅可以點第其他
好大碌嘅冰醉瀨尿蝦
差唔多有筷子咁長
酒味香濃而不搶 蝦肉鮮甜 加埋相當份量嘅蝦膏...
一條真係唔多夠
焗魚腸
加左油炸鬼及小量黑椒同焗
相當唔錯
花彫蛋白蒸蟹
酒味相當重 蓋過蛋白嘅蟹味
但兩隻肉蟹本身就唔錯 新鮮好食
叉燒
肉質鬆化
但醬汁似乎係後加 有點過甜同格格不入
(後來知道哩味"叉燒"唔係焗 而係煎出來...真係估佢唔到)
糯米雞
外皮略為噥左少少
但糯米+臘味+雞肉嘅餡做得好食
有點油膩(但不過份) 糯米飯粒粒分明
八寶鴨
味道OK 但個人覺得燘得唔夠淋
同席人士大致上鍾意隻雞多D
松茸魚湯浸菜
意外地...又幾好食
個魚湯都飲得下 菜心又ok甜
啫啫芥蘭
夠惹味 芥蘭都幾靚
有點淋...但我鍾意淋D嘅芥蘭
好運強記食堂
地址: 觀塘成業街19-21號成業工業大廈2樓26室
電話: 2389 6756
沒有留言:
張貼留言