跑山跑左兩年幾
係時候挑戰下100km
哩半年陸陸續續玩左一個22KM, 3個50KM另加一個半馬
最後以哩個100km嘅地獄賽道作為上半年賽季嘅終結
其實原本打算報最容易嘅hk100就算
但開波幾粒鐘就full左 (拍得住渣馬)
報唔到
毅行者要4個人
小弟作為一個毒...獨行人 一向都冇腳陪嘅 都唔知去邊度揾多3個人比佢
而且入場費太貴 對我來講實在冇乜吸引力
而另一個100km ---- TNF100過左early bird, 又係有點貴
(TNF我都幾慶幸冇報 因為比賽當日好很凍兼落雨)
反正之前都玩左兩年Lantau50
結果把心一橫就報左TL100
其實佢之前就係RaidLight Lantau100
可能今年冇左RaidLight做sponsor 所以改左名
官方路線如下:
http://connect.garmin.com/activity/374938265
開賽時間係14/3 23:30
而開賽前果個星期又轉左返overnight shift
算係一個bonus提早適應通頂
而且1/3嘅SK50表現唔錯
第一次玩100KM就玩地獄賽道 希望26-28hr完成
手帶連晶片
賽前有工作人員(靚女來ga)幫你activite
可以用電話NFC讀取資料 即時check成績 (不過幾乎成場比賽我都熄左data)
比賽當日訓得麻麻
有d唔夠精神
頭22km(起點至cp2)都係黑夜中進行
一如2013 有榴花峒哩類叢林小徑
另外今年新增嘅婆髻山接薄刀屻落山 再經黃龍坑上大東山係最辛苦嘅
加上夜行比日間需要更高集中力
精神上攰得好快 行左冇幾耐已經開始眼訓
而一處小石壁亦一如往年咁令人排大隊
(夜媽媽影唔到D咩相 張就下 :P )
賽前一直以為100KM賽道嘅頭尾25KM應該同50KM賽道係一樣嘅
但來到CP1(白芒)就覺得奇怪
點解會少左2KM嘅呢...
其實就係改道行薄刀屻同黃龍坑之故
而非往年嘅蓮花山+雙東坳
薄刀屻接黃龍坑真係唔講得笑
夜行薄刀屻要打醒精神 落山段我幾乎都係坐底跣落去
再接呻吟徑上山 少D體力都唔掂
幾經辛苦去到CP2(伯公坳)
雖然天氣唔算好凍 不過大東山上寒風凜冽
有熱水沖下咖啡真係冇得頂
勁難食嘅螺絲粉
好肚餓都食唔落 ~_~
唔經唔覺去到CP2已經6點
體力上冇乜問題 但真係幾眼訓
食下野 休息一陣 咁就天光
行左6個幾7個鐘先22KM
仲有排捱呢...
食左野 啪左兩包咖啡
天光之後精神好返好多 冇咁眼訓
離開CP2
轉入南大嶼山郊遊徑
辛苦左咁耐 終於可以輕鬆一陣
之後上落昂平(cp3) 羌山 狗嶺涌(cp4) 牙鷹山 入大澳(cp5) 強度都唔算高
行下行下精神爽利
上昂平冇難度
食返個麵先
離開昂平 上行羌山
cp4 @狗嶺涌
火腿都有
牙鷹山上遠挑大澳
另一邊係二澳出面嘅石灘
去到大澳都成57km
雖然keep住唔跑 盡量保持體力
但都幾攰下 畢竟已經超過哂以往比賽嘅距離
本來想入大澳食返餐先再行
不過希望趕係天黑前落鳳凰山
最終都打消左哩個念頭
直接去cp補給就算
係學校入面嘅大澳cp5
離開大澳進入東澳古道
行左唔夠1km 又開始眼訓
今次真係頂唔順 咁啱路邊有長椅
就坐係度盹左幾個字
去到深屈 要轉入小徑上返彌勒山同昂平
哩段真係非常甘
叢林小徑刮手刮腳就係常情
加上超斜同上升500m嘅高度
對所餘不多嘅體力係好大嘅挑戰...
幾經辛苦上到頂
然後返到昂平 (cp6)
因為唔想摸黑落山
所以快快手手補給完就開始上鳳凰
由心經簡林果邊上山 雖然完全冇風
但睇見山頂果舊霧氣都心知不妙
果然一上到山脊 風大霧大濕氣重
同埋開始天黑 仲凍過之前大東山頂
一邊頂住大風 一邊落伯公坳 真係吹到人都癲
話說鳳頂仲有位工作人員"站崗"指路 真係辛苦哂
落山中途 天已黑齊
落返伯公坳(cp7) 已經7點幾
最難嘅路段總算行哂
可以休整耐d
又係食麵飲咖啡嘅時間 XD
剩餘1/4左右嘅賽程
南山 芝麻灣(cp8) 老人山 雖然都要上落山 但都唔難應付
而為左趕時間 我都係哩幾段發力加速 追過唔少人
而代價就係雙腳腳跟位磨傷+右腳底外後側起水泡
跑緊唔多覺 一停低就開始痛
右大腿亦有些少抽筋先兆 x_x
雖然係咁 但我諗住cp8打後冇高難度路段
所以都係忍痛keep住快速前進
不過賽道設計者Clement Dumont係看似平坦嘅十塱(cp9)之前依然搵到"驚喜"比我地參賽者
就係繞路上一個小山 條路跣跣地都算
條路兜來兜去 途中有間廢屋 d風又寒寒地(因為近海邊)
夜晚望埋去 d白千層都好似生得核核突突咁.....
黑媽媽都真係幾陰森
而且近乎筋疲力盡之下去上哩個小山都幾辛苦
出盡揸雞之力捱埋佢終於去到cp9
5km後就係終點
於是不作停留 補充少少水就繼續行
返梅窩嘅路線同上年一樣
終於冇哂驚喜 可喜可賀 安全到步
27小時內完成 難度超過預期
但時間總算係預計之內
對大部份參賽者來講 哩個唔算係好成績
但對我來講
第一次嘅100KM完成到又唔洗包艇...都滿意了
返到終點已經係16/3 2:XX
足足跨越左3日
冇車走 又唔想搭船出中環
多得7仔阿姐收留 比我係樓梯盹到5點幾 (間M記竟然唔係24小時營業...)
之後坐車出機場 再轉巴士返歸
返到屋企 真係有D彷如隔世嘅感覺
哩個系列嘅比賽玩左3年
算係support得唔錯
起碼比支援同cp內嘅"救濟品"比AAE好好多
如無意外下年都會再去
挑戰24小時內完成
沒有留言:
張貼留言